Қарши шаҳрида умумий қиймати 200 минг долларлик “Drujba Gold Biznes” МЧЖ корхонасида йилига 135 тонна сут қайта ишланмоқда.

Корхонада кунига 4-5 тонна сутни қайта ишлаш натижасида: қатиқ (кефир), сметана ва ҳар хил турдаги музқаймоқлар ишлаб чиқарилмоқда.

Мазкур корхонада ҳозирги вақтда 10 нафар иш ўринлари мавжуд бўлиб, корхона фаолиятини янада кенгайтириш, хориждан янги ускуналар олиб келиб ўрнатиш юзасидан Белоруссия ва Россиялик тадбиркорлари билан истиқболли музокаралар олиб бормоқда.

Келгусида, корхона фаолияти кенгайтирилиши ҳисобига яна 15 нафар янги иш ўринлари яратилади.