Қашқадарё, Бухоро ва Самарқанд вилоятларида умумий қуввати 2000 МВт бўлган қуёш фотоэлектр станцияларини қуриш бўйича Хитойнинг “CEEC ENERGY CHINA” компанияси билан англашув меморандуми имзоланди.

Унга кўра, Хитой компанияси томонидан жами 2 млрд. доллар миқдорида тўғридан-тўғри инвестициялар киритилади.

Қуёш фотоэлектр станцияларининг илк қувватлари шу йил якунига қадар (2024 йилда тўлиқ) ишга туширилиши режалаштирилмоқда.

Натижада, йилига 5,2 млрд. кВт/соат электр энергияси ишлаб чиқарилиб, 1,4 млрд. куб метр табиий газ тежалишига эришилиши кутилмоқда.