16 январь куни Қашқадарё вилояти ҳокими ва Хитой Халқ Республикасининг осма дор йўлларини барпо этишга ихтисослашган “China CAMC Engineering Co., LTD” компанияси ўртасида ҳамкорлик битими имзоланди.

Икки томонлама битимга кўра, томонлар:

Китоб, Қамаши ва Шаҳрисабз туманларида замонавий осма дор йўлларини барпо этиш ва уларни биргаликда бошқариш;

Вилоятда муқобил (қуёш, шамол ва бошқалар) ва энергия тежовчи технологияларни ишлаб чиқариш;

Вилоят ҳудудида замонавий агрологистика марказларини қуриш ва томонлар учун манфаатли бўлган бошқа инвестицион лойиҳаларни амалга ошириш;

Келишувларни тез фурсатда амалга ошириш ва доимий алоқа алмашиш мақсадида икки томонлама ишчи гуруҳи тузиш масалалари белгилаб олинди.