Бугун, 12 декабрь куни Қашқадарё вилояти ҳокими соврини учун ташкил этилган “Истиқболли IT-лойиҳалар” (IDEATHON) кўрик танловига старт берилди.

Ушбу кўрик танлов Қашқадарё вилояти ҳокимлиги, Ахборот технологияларини ва коммуникацияларни ривожлантириш вазирлиги Қашқадарё вилояти ҳудудий бошқармаси, Вилоят инновациясини ривожлантириш бошқармаси, IT PARK ва IT CITY ACADEMY билан ҳамкорликда амалга оширилмоқда.

Танловнинг биринчи кунида жами 212 нафар иқтидорли ёшларнинг ишланмаларидан 100 нафари танлаб олинди.

Тадбирнинг иккинчи кунида танлаб олинган 100 нафар иштирокчилар ўзаро жамоаларга бўлинган ҳолда, ўз ишланма ва лойиҳаларини тақдим этадилар.

Малумот ўрнида: Мазкур кўрик танлов жорий йилнинг 12-13 декабрь кунлари бўлиб ўтади. 14 декабрь куни танлов ғолибларини тақдирлаш маросими бўлиб ўтади.