Куни кеча “Uzeltexsanoat” уюшмасининг Қашқадарё вилояти Инвестициялар ва ташқи савдо бошқармаси билан ҳамкорликда ташкил этилган семинари бўлиб ўтди.

Семинарда Қашқадарё вилоятида электротехника йўналишида фаолият кўрсатаётган тадбиркорлар ва шу йўналишда ўз фаолиятини бошлаш истагидаги тадбиркорлар, тижорат банклари вакиллари иштирок этдилар.

“Uzeltexsanoat” уюшмаси Ҳудудий лойиҳаларни амалга ошириш бошқармаси бошлиғи Эркин Файзиев сўзга чиқиб, уюшманинг фаолияти билан таништириб, тадбиркорларга ҳамкорликда ишлаш таклифини берди.

Ҳамкорликдан кўзда тутилган мақсадлар, афзалликлари, ишлаб чиқарилган маҳсулотларнинг экспорт салоҳиятини ошириш ҳамда тадбиркорлар учун яратилган шарт-шароитлар билан тадбир иштирокчиларини таништириб ўтди.

Тадбирда Қашқадарёлик қатор тадбиркорлар ўз лойиҳалари билан иштирок этиб, келгусида истиқболли лойиҳалар устида ҳамкорликда ишлаш бўйича келишувларга эришилди.

Сизда ҳам электротехника йўналишида ўз бизнесингизни бошлаш истаги мавжуд бўлса, Қашқадарё вилояти Инвестициялар ва ташқи савдо бошқармасига мурожаат этинг!